|
 |
 |
 | Welcome Guest | RSS
Friday, 19/Apr/2024, 5:59 AM |  |
|
 |
Home » 2007 » April » 26
სვანეთში მივდივარ, მთებში და...
მიყვარხარ,
ვინ იცის, რარიგად...
ეგების მწვერვალზე დავმშვიდდე,
ბარში რომ ვშფოთავდი ღარიბად.
გამორბის მდინარე ბღავილით,
ნაპირებს ცრემლი მოვწმინდე.
ფერდობზე წერწეტა ყვავილი
მაგონებს შენს თავს და მოვწყვიტე.
იმ ხევში მკივანა შურთხია.
მომწყინდა ბილიკზე წანწალი.
მე შენზე ოცნებას ვუფრთხი და
გულს მაინც ედება ხანძარი.
სვანეთში, მთებშიაც დამმშვილდე,
მიყვარხარ, ვინ იცის რარიგად...
ეგების ლატფარზე დავმშვიდდე,
ბარში რომ ვშფოთავდი ღარიბად.
მაფიქრებს ღრუბელი მღელვარი.
მივდივარ, გზა მხვდება ახალი.
სვანეთში ბევრია მწვერვალი
და შენ ხარ ყველაზე მაღალი. /სიმონ ჩიქოვანი/
Views: 763 |
Added by: shockunia |
Date: 26/Apr/2007
|
|
გუშინ იმდენი სათქმელი მქონდა,
გული ჩამოდნა დარდის წვეთებად,
სანთლების შუქზე საღამო კრთოდა
და ჩემი ლექსი ჰგავდა ვედრებას.
სახეს დუმილი მტრედისფრად შერჩა,
შეშლილ ზმანებას ძლივს გადავურჩი,
თუ ჩემი თეთრი ოცნება გერქვა,
რა იქნებოდა გენახე გუშინ... /რონა ბუბუტეიშვილი/
Views: 718 |
Added by: shockunia |
Date: 26/Apr/2007
|
|
შემაშველე შენი ლოცვა შემაშველე,
პოეზიის დედოფალო,
ამამღერე სიყვარულად ამამღერე,
ჩემი თავი გენაცვალოს.
მერე რა, რომ მიმატოვეს იმედებმა ცრემლიანი,
მერე რა, რომ სახეს ჩადრად ეფარება
წარსულ დღეთა კაეშანი.
მაპოვნინე სიშორეში ჩაკარგული
ნისლიანი მოგონება.
დამილოცე ხვალინდელი გაზაფხულის
სიხარულად დაბედება.
მაპატიე შენს უწმინდეს სალოცავთან
უეცარი გამოჩენა.
რა ვუყოთ, რომ ნაადრევად გამიავდრდა,
ქარებს მოჰყვა ფოთოლცვენა.
მაწყალობე, სანამ კიდევ მშფოთვარეა,
ვნებიანი მელოდია,
დღეებს ძველი აჩრდილები
ტვირთად მიაქვთ,
გული შენი მომლოდეა,
მომიტევე,
ნაზამთრალი იქნებ სულმა ვერ დაფაროს,
სიყვარულად მამღერე და
მერე თუნდაც,
მერე თუნდაც...
შენს ტაძარში ჩამომფერფლე, დედოფალო! /რონა ბუბუტეიშვილი/
Views: 695 |
Added by: shockunia |
Date: 26/Apr/2007
|
|
|
უშნომ ქვეყანა დააქცია
და მაინც ეხურა ნამუსის ქუდი.
ლამაზ ქალს ფიქრიც არ დასცალდა
და უკვე შეერქვა სახელი ცუდი.
ქალი კი არა მზე ამოდის და
ღრუბლებს უჩნდებათ შურით იარა
ლამაზის თვალებში ბეწვი ნახეს და
უშნოს თვალებში დირეც კი არა...
ლამაზის ბედი დასაგმობია
(აუ, რამდენი ყოფილა მტერი)
ლამაზი ყველას სხვისი ჰგონია
და დგას ჭორების კორიანტლი.
მას ველურ თვალთა კორიანტელით მიაცილებენ მამაკაცები
მათი განზრახვა ბოროტი არის
ხომ უნდა უთხრან, სცადონ სათქმელი.
მე მაინც მინდა ვიყო ლამაზი,
რაგინდ ჭორებმა გული დაფლითოს,
შენ ერთს გაგანდო ფიქრი ათასი,
ათიათასს კი გული დავწყვიტო!...
Views: 1172 |
Added by: shockunia |
Date: 26/Apr/2007
|
|
"შენ უნდა ცისფერ ღრუბელთან იწვე
უნდა ღრუბელი გეფინოს ლურჯი
მე შენს მეუღლეს დუელში ვიწვევ
რომ ჩავახედო შენს ლამაზ სულში
შენ უნდა უცხოდ მოსული ქარი
გიფრიალებდეს ნისლისფერ მერდინს
გაიხსნას უცებ სამოთხის კარი
მუხლებთან გეჯდეს შემკრთალი ღმერთი
რა სჯობს სიმღერა თუ წყვილი ცრემლი
სად ჯობს მიწაზე თუ მიწის გარეთ
მზე მზეზე უფრო დიდი და ცხელი
მთვარე მთვარეზე ლამაზი მთვარე
და ცა ღმერთების ცისფერი ზოლი
ძლივს რომ აუდის მომსვლელს და წამსვლელს
მაღალი ბიჭი ლამაზი ცოლით
მოდიან მაგრამ მიდიან წამსვე
ბოლოს და ბოლოს ერთი აქვს ბოლო
ლომსა და თინუსს ნაძვსა და ღოლოს
სიყვარულისთვის კარგო ჩვენ მხოლოდ,
სიყვარულისთვის გავჩნდით და ვცოცხლობთ! უხერხულია შენ გერქვას ცოლი,
შენ უნდა ცისფერ ღრუბლებთან იწვე
აჰა დამბაჩა და სველი თოვლი-
მე შენს მეუღლეს დუელში ვიწვევ! "
Views: 993 |
Added by: shockunia |
Date: 26/Apr/2007
|
|
|
დროს ვერაფერი ვერ შეაჩერებს
ვერსც შენ და ვერც მე,
წუთებს ვერავინ ვერ შეანელებს,
მერწმუნე, მენდე,
მხოლოდ ოცნება გაირინდება საათებს შორის,
და სუნთქვა ორის
შეაკრთობს ვერხვებს.
დროს ვერაფერი ვერ შეაჩერებს,
ოცოდე ჩემო,
გადაეცლება მარტსაც მოტკბო ზმანების გემო,
მოდი სანამდე მზე გადავა ამ მთების ქვემოთ,
მოდი მანამდე, სანამ ამ სულს სწყურია ჩემო,
აფრენა ცამდე და შეხება ცის ლურჯი ფერის,
მოდი, სანამდე გათენება მხოლოდ შენ გელის.
დროს ვერაფერი ვერ შეაჩერებს იცოდე ჩემო. . .
Views: 717 |
Added by: shockunia |
Date: 26/Apr/2007
|
|
ეს გაზაფხული მოვიდა ისე,
ვერ მოვასწარი გამოღვიძება.
გადაყოლილი ნაზამთრალ სიზმრებს
ქუჩებში თბილი ღამე ირწევა. მე გამახსენდა ძველი ტკივილი,
მტკიოდი მართლა, თუ მე ვინატრე?
და ჭრილობიდან ცისკრის სხივივით
ამოდოდა შენი სინათლე. /ა. სულაკაური/
Views: 3511 |
Added by: shockunia |
Date: 26/Apr/2007
|
|
|
მორჩა! დღეიდან ლოთობას ვიწყებ,
დარდებს გავანდობ ყანწებს ღვინიანს,
სიკვდილ-სიცოცხლის დუელში გიწვევ
და ქალი რომ ვარ არ მეშინია.
მოგაფრქვევ ღვინის საოცარ სურნელს,
ბახუსის ეშხით განატაცები,
ქალები მაშინ თვრებიან თურმე,
როცა ფხიზლობენ მამაკაცები.
დღეიდან ხელი ავიღე თავზე,
აღარ გავურბი მზერას ჟინიანს,
დუქანში გველის ხელადა სავსე
და კაცი რომ ხარ არ მეშინია.
უცხო მორევში შევყავარ ბორანს
ფიქრში ძნელია ვიცი ღალატი,
თურმე ვცდებოდი,რადგან მეგონა
რომ სიავისგან დამიფარავდი.
გავარდა მეხი..... მიხაკი გაქრა,
დღეიდან ვეტრფი ყანწებს ღვინიანს,
ერთი პატარა ქალი ვარ თუმცა
შენ,რომ კაცი ხარ არ მეშინია!!!!
Views: 843 |
Added by: shockunia |
Date: 26/Apr/2007
|
|
|
შავ ღვინოში ალუბლები ბანაობენ,
ეგ ტუჩები დასალევად მენანება,
ბილიკებად ჩამოყრილი შენი თმები...
გზას მიბნევს და...
ეს სიბრმეავე მენატრება...
ფანჯრის რაფას დაეკიდა შემოდგომა,
გარეთ წვიმამ ნისლის ქოლგა დაიხურა
ეს ამბორი,
როგორც მთვარის ნაფეხური
მაჩუქა და კარი ჩუმად გაიხურა.
Views: 1576 |
Added by: shockunia |
Date: 26/Apr/2007
|
|
|
გაზაფხულამდე ალბათ დიდხანს მომიწევს მოცდა,
ცივმა ზამთარმა სევდა მომცა ლხინი წამგვარა,
აღარ მიყვარხარ ღმერთო ჩემო ეს რა წამომცდა,
ხომ შეიძლება შენც იფიქრო ჩემზე ამგვარად.
გათენებამდე მთვარეა და მთელი ღამეა,
მღერის ქარი და პაემანზე ტყისაკენ მიქრის,
ისევ მახსოვხარ ღმერთო ჩემო რა სიამეა,
ხომ შეიძლება შენც გაივლო ამგვარი ფიქრი.
ვერ შეველევი ოცნებებს და ვარდისფერ ფიქრებს,
თუმცა ტკივილმა უნუგეშოდ მტანჯა და მთენთა,
მე გელოდები,ღმერთო ჩემო ვინ იცის იქნებ
მელოდებოდე...ავდგები და წამოვალ შენთან...
Views: 717 |
Added by: shockunia |
Date: 26/Apr/2007
|
|
|
მე არც კი ვიცი რას დავარქმევ იმ უღვთო ტკივილს,
შენ რომ ადგე და წახვიდე მართლა...
მე ვიცი მხოლოდ არ დავიწყებ მოთქმას და ტირილს
და ვერ დაგიშლი ვერაფრით წასვლას...
შენი დანახვა რომ უდრიდეს ჩემთვის სიცოცხლეს,
ვერ დამჯაბნიან, ვერ დამცემენ მაინც ვნებები,
მე მეყვარები ისე, როგორც არავის არსად,
მაგრამ ქუჩაში არასოდეს დაგედევნები.
შენ რომ წახვიდე მე დამრჩება ულევი სევდა,
კისერზე მაინც მუდარით ვერ დაგეკიდები,
მე ვერ დაგიშლი ვერაფრით წასვლას,
თუმცა არ ვიცი რას დავარქმევ იმ უღვთო ტკივილს
შენ რომ ადგე და წახვიდე მართლა...
Views: 750 |
Added by: shockunia |
Date: 26/Apr/2007
|
|
მახსოვს სიფითრე და ჩურჩული თქვენი ბაგისა,
მეუბნებოდნენ ჩამოგყვებით სამარეშიცო,
სად სიყვარული შეიძლება უსპეტაკესად –
სამარადისოდ.. ყველამ დამტოვა, დავშთენილვარ თქვენი ამარა,
და ახლა ვხედავ - საიქიოს ვლიან ლანდები;
დიდი ხანია მე მიმელის ჩემი სამარე,
წამობრძანდებით?
Views: 731 |
Added by: shockunia |
Date: 26/Apr/2007
|
|
ცა ამეტყველდა ტუჩების თრთოლვით,
გულისნადები ფიფქს დააბარა.
მერე ზვავივით ჩამოწვა თოვლი
და ყველაფერი თეთრად დაფარა... /მიხეილ ქვლივიძე/
Views: 755 |
Added by: shockunia |
Date: 26/Apr/2007
|
|
წუხელ თოვდა,
ნეტავ ჩემთან რად არ გაჩნდი,
გენახე და ძილში თბილად დაგეხურე...
მე ავდექი პირველ თოვლზე განთიადში
და ვეძებდი შენს პატარა ნაფეხურებს. დაეყარა სახლებზე და ვერის გზაზე
თოვლი, თეთრად დასახული,
ასე თეთრად, გულუბრყვილოდ ჰყვავის ასე
იმერეთში ტყემლის ხეზე გაზაფხული... /ირ. აბაშიძე/
Views: 1044 |
Added by: shockunia |
Date: 26/Apr/2007
|
|
|
“მე გეძახოდი ცხრა მთის გადაღმა
ვინ მოგაწვდინათ ეს ხმა ნეტავი?
კი მოგიხმობდით,
მაგრამ ხმადაბლა,
ხმამაღლა ვერც კი გაგიბედავდით.
იქნებ სულები მართლაც დაჰქრიან
იდუმალი და სწრაფი მარხილით..
და თვით უწყიან, უფრო ადრიან
ვის მიაწვდინონ ვისი ძახილი.
თორემ სხვა აბა რას დავაბრალო
ჩემი ხმა როგორ მოგწვდათ ნეტავი..
გეძახდით, მაგრამ ჩემთვის, ხმადაბლა,
ხმამაღლა ვერც კი გაგიბედავდით. "
Views: 839 |
Added by: shockunia |
Date: 26/Apr/2007
|
|
მზაკვარი სხივი როგორ ქირქილებს
ბროწეულებზე:
იმას ჰგონია, აქ განზრახ შეხვდნენ
ჩვენი გულები...
ჩქარა წავიდეთ, თორემ სიჩუმით
დაქანცულები
პირს რომ გახსნიან, ალბათ, გაგვცემენ
ბროწეულები... /ანა კალანდაძე/
Views: 852 |
Added by: shockunia |
Date: 26/Apr/2007
|
|
ვიღაცას სწერდი:
''1001 კოცნას, საყვარელო, გიგზავნი შორით''. სრიალებს თოვლზე პატარა ციგა,
ვიგონებ წიგნში დამალულ წერილს
და ახალ დარდებს მომაყრის ციდან
გაქურდულ გულზე, ცრემლით დასერილს.
ავხადე სურვილს მხურვალედ ლოდი,
გულს გინახავდი, როგორც შაჰ-ნამეს,
და შენ კი თურმე სხვას ჰპირდებოდი
''ათას ერთ კოცნას'', ათას ერთ ღამეს.
ახლა ლოდინი დროთა მზომავი
ან საყვედური ვის გავაყოლო?!
თვალს შემოევლო ვერცხლის ზონარი,
ყმაწვილურ ზღაპარს მოეღო ბოლო.
ეს მოხდა გუშინ, ეს იყო წუხელ,
ელდა დამეცა ყაჩაღ ლეკსავით
და ვით კახეთში თამარის ციხე,
დაინგრა ფიქრი გაულექსავი.
სრიალებს თოვლზე პატარა ციგა,
ვიგონებ ჯავრით დახეულ წერილს
და ახალ დარდებს მომაყრის ციდან
გაქურდულ გულზე, შხამით დასერილს. /ნინო თარიშვილი/
Views: 799 |
Added by: shockunia |
Date: 26/Apr/2007
|
|
|
მოხვედი, თან მოგყვა იების ღიმილი,
ფიქრმა აიწყვიტა, გულს რითი ვუშველო?
წახვალ და ჩამოთოვს ფიფქებად ფიქრები,
წახვალ და როგორღა ვიცხოვრო უშენოდ?..
Views: 837 |
Added by: shockunia |
Date: 26/Apr/2007
|
|
ასე არასდროს არ მყვარებია
შენი მშიშარა სხეულის სითბო-
თითქოს პირველად შეგახე ხელი,
უკანასკნელად გიყურებ თითქოს.
ტყუპისცალივით ხარ ახლობელი
და ამავე დროს, უცხო სრულიად...
ასე იწყება ალბათ სიცოცხლე,
ანდა ეს უკვე აღსასრულია! /ოთარ ჭილაძე/
Views: 1082 |
Added by: shockunia |
Date: 26/Apr/2007
|
|
|
ცისფერ ასფალტზე დაეწვეთა
აგვისტოს ხვატი,
ბევრჯერ ვინატრე, სადღა იყო
გულცივი მარტი,
ხომ მოხვიდოდი, რომ გცოდნოდა
როგორ მიყვარდი?
არ დამელოდე, არ მოხვედი,
თუმცა დამპირდი,
ბევრი ვეძიე, სადღა იყო
ჩემი აპრილი,
მთელი ზაფხული, შემოდგომა
შენზე ვმღეროდი,
ხომ მოხვიდოდი, რომ გცოდნოდა
როგორ გელოდი?!...
Views: 730 |
Added by: shockunia |
Date: 26/Apr/2007
|
|
|
მითხარი რამე, თორემ მე გეტყვი,
რა უფეროა უშენო დღე და
რა დაცლილი უშენო ღამე,
მითხარი რამე!
მითხარი რამე, თორემ მე გეტყვი,
როგორ ვივიწყებ შენეულ წყენას,
როგორ ვიტკიებ უშენო წამებს,
მითხარი რამე!
მითხარი რამე, თორემ მე გეტვი,
როგორ გიცდიდი, როგორ გელოდი,
როგორ ვიცრემლე, როგორ ვეწამე,
მითხარი რამე!
მითხარი რამე, თორემ სულ მალე
დაგავიწყდები, მითხარი რამე!
Views: 877 |
Added by: shockunia |
Date: 26/Apr/2007
|
|
მე მეფერება შენს თვალებში ჩარგული ია
და მეფინება მთელ სხეულზე სურნელი ვარდის,
უმანკო გული,ვით ედემის კარები ღია
და ვით ენძელა კლდის ნაპრალებს მოვაპობ კაბით. იასამანი დაუწურავს ვენერას ხელით
და ყაყაჩოებს დარჩენიათ თვალები ღია
ო,არასოდეს დაისველო თვალები ცრემლით
არ დაასველო შენს თვალებში ჩარგული ია. მე ეკლიან გზებს გამოვივლი შიშველი ფეხით
ოღონდ დატოვე შენი გულის კარები ღია
ვიცი,არასდროს მიმატოვებ,ყოველთვის მეტყვი,
რომ მეფერება შენს თვალებში ჩარგული ია.
Views: 787 |
Added by: shockunia |
Date: 26/Apr/2007
|
|
ჰეი ლოთებო! გყვარებიათ ჩემსავით ღვინო,
ან გწყურებიათ ღვინოსავით ჩემებრ ტრფიალი?
ველოდი მუზას არ მოვიდა, უნდა ვიყვირო:
ჰეი ლოთებო! ღვინო მაინც მასვით ტიალი. ოჰ ეს დოქები! თვალიც დალევს სველი ხელადით,
და მე რაღა ვარ, მეც შემივსეთ ერთი ფიალა,
ჩემი მიჯნური სხვასთან იყოს, თვალით ვხედავდე,
ქვევრებით დავლევ აწი ღვინოს, ყანწით კი არა. ძმანო ლოთებო! მინდა იყოს ყველა ლამაზი,
რომ ტრფიალებამ ერთნაირად კარი გააღოს,
უსიყვარულოდ ვიღუპები, ღვინო დაასხით,
იქნებ ბახუსის ნაპერწკლებმა დარდი გაალღოს...
Views: 881 |
Added by: shockunia |
Date: 26/Apr/2007
|
|
|
მომენატრები და მარტოობას ვიგრძნობ,
მომენატრები და გინატრებ.
მომენატრები და დაგიწყებ ძებნას,
რომ ვერ გიპოვო, გიდარდებ.
მომენატრები და კიდევ უფრო მეტად გიგრძნობ,
სევდა გამერევა ხმაში.
ან რა მაცოცხლებს, ან რა მეშველაბა
რომ არ მომენატრო მაშინ.
Views: 953 |
Added by: shockunia |
Date: 26/Apr/2007
|
|
|
ტირიფო, ტირილით გაგაკვირვებ,
რა გითხრა მტირალა ტირიფს, -
მე თვითონ არ ვიცი, რა მატირებს,
მგონია ტირი და ვტირი.
როგორც მონადირე ნანადირევს
დრო გვყოფს... ჭირვეულობს ჭირი...
მე თვითონ არ ვიცი, რა მაყვირებს,
მგონია ყვირი და ვყვირი.
თენდება იჭვის და დარდის დილა,
რას მერჩი, რა გინდა, ქარო, -
მე თვითონ არ ვიცი, სად მივდივარ,
მგონია ჩქარობ და ვჩქარობ.
წლებმა ძაღლებივით დამიკბინეს
ლექსი დაწერილი ცივად, -
მე თვითონ არ ვიცი, რა ვიტკინე,
მგონია გკტივა და მტკივა.
Views: 784 |
Added by: shockunia |
Date: 26/Apr/2007
|
|
"მითხარი რომ სულში, ყველა ჩირაღდანი ერთად გადაიწვა,
რომ წვიმიან ღამეს, ის ლამაზი ქალი შენს მკლავებზე იწვა. მითხარი რომ მოკვდა, ყველა იმედი და ყველა დაპირება,
ნუ გადარდებს ჩემი ნაღვლიანი სახე, უხმო ატირება. მითხარი რომ ჩემთვის, აღარ დაკრეფ ბაღში იასამნის რტოებს,
გეძნელება თქმა და მაინც მალე, მალე მიმატოვებ. წავალ ისევ მარტო, და დამრჩება სულში უსაშველო ბინდი,
სხვების დასანახად მე ვიქნები ისევ ამაყი და მშვიდი. მხოლოდ ჩამოჭკნება სულში აკაციის თეთრი შადრევნები,
შენზე ოცნებას და შენით გადარევას აღარ დავნებდები. წავალ ისევ მარტო, და დამრჩება გულში უსაშველო დარდი,
როგორ შემეშალე, ჩემს ერთადერთ იმედს რა საოცრად გავდი........... "
Views: 1435 |
Added by: shockunia |
Date: 26/Apr/2007
|
|
|
,,დღეს მარტოობაც და ცხოვრებაც იისფერია,
გაფანტულ ფოთლებს კვლავ აცეკვებს ლამაზად ქარი.
დღეს მისი მზერა გამჭირვალე მინისებრია.
საოცარია ფიქრებისგან დაღლილი ქალი.
თითქოს,სიყვარულს ელოდება ფოთოლთ შრიალში.
თუმც, სიყვარულის წაიშალა ყოველი კვალი.
ის მარტოობამ შეიყვარა ყველაზე მეტად
და ოქტომბერში მარტოობამ დასწერა ჯვარი..."
Views: 774 |
Added by: shockunia |
Date: 26/Apr/2007
|
|
|
,,ეს ნიჭი არაა...
ეს სიყვარულია გულიდან გადმობეჭდილი...
სულიდან გადმოხატული და ტვინიდან ამოწერილი....
ეს ჩემი სულია
სიყვარულის დუელში გამოწვეული.
ეს ლექსი არაა...
სიტყვებია - გულიდან ამოხეული.
ეს ნიჭი არაა,
დამიჯერე...
გულია გადარეული..
მონატრებაა!
შეშლილი და გზააბნეული.
არა!
მე არ ვარ ყველასაგან გამორჩეული....
ეს ჩემი სულია
სიყვარულის დუელში გამოწვეული..."
Views: 780 |
Added by: shockunia |
Date: 26/Apr/2007
|
|
|
“ჩემო სიცოცხლის სიცოცხლეო,
უნავთსაყუდელო სანაპიროვ,
სულში ჩამოღვრილო ხვაშიადის
ზღვაო, ოკეანევ უნაპირო...
ჩემო ნაადრევო ყვავილობავ,
ჩემო კვირტდამზრალო გაზაფხულო,
ჩემო ტკივილო და ამოკვნესავ,
ჩემო ტკივილების მოძახილო...
ჩემო ნაადრევო შემოდგომავ,
ჩემო დათოვლილო გაზაფხულო...
ჩემო კივილამდის მონატრებავ...
ჩემო სიყვარულის სიყვარულო!.. “
Views: 1560 |
Added by: shockunia |
Date: 26/Apr/2007
|
|
|
|
|
| Site Menu |
|
|
 |
| Blog categories |
|
|
| Our Poll |
|
|
| Site friends |
|
|
|
