ise wminda xar | 1:47 PM |
ისე წმინდა ხარ,
ისე დიადი,-
ვერ გამოგხატავს კაცის გონება.
მოვედი შენთან,
რომ შენს თვალებში
მეხილა ქვეყნის გაცისკროვნება...
თვითონ სამყაროც,-
შენ რომ გადარებ,-
უფერულდება,
ჰკარგავს თავის ხიბლს,
ღიმილის რკალი შემომატარე,
ან მაგ თვალების შუქი დამისხი...
ვერ შევლევივარ იმ გაზაფხულებს,
შენს თვალებში რომ მწვანედ იშლება,
თუკი დაგკარგავ,-
ჩემი არსება
აირევა და მთლად შეიშლება!...
თუკი დაგკარგავ,
ჩემი ცხოვრება
დაკარგავს თავის რიტმს და კალაპოტს,
თუკი დაგკარგავ,
დავკარგავ თავსაც,
გავხდები ქვეყნის სალაპარაკო...
თუკი დაგკარგავ,-
ჩაენაცვლება ჩემი ცხოვრების ნიავს ქარები...
თუკი დაგკარგავ,-
ვეღარ დავტკბები
მე ამ სამყაროს სიანკარეთი....
............................
მერე თუ სულში მოვარდება
შენი მონატრების ქარიშხლები,-
მაგ მწველი მზერით დაფერფლილი
შენს წინ
ფიანდაზად
გავიშლები!....
მირანდა გოდერძიშვილი
|
Views: 674 |
Added by: shockunia
| Rating: 0.0 |
|
