პოეზია - შოკუნია

Login form

კალენდარი
«  October 2014  »
SuMoTuWeThFrSa
   1234
567891011
12131415161718
19202122232425
262728293031

ლექსის ძებნა

თავფურცელი

რეგისტრაცია

შესვლა
Welcome Guest | RSS


Image and video hosting by TinyPic


Thursday, 23/Oct/2014, 12:50 PM

იის კონაში გადავცვლიდი ახლა სიცოცხლეს,
დავივიწყებდი განშორებით გახსნილ იარებს,
დაღლილი გული საქციელებს მუდამ მიოცებს,
ვერ დაგივიწყე, არაფრით არ გადამიარე.
სულ ერთი კონა, ოღონდ მხოლოდ შენი ხელებით,
იქნება გულმა გიჩურჩულოს ჩემი სურვილი.
ლურჯთვალა იებს შენს ხელებში მოვეფერები
და ვიტყვი ნატვრებს მოვუკალი ყველა წყურვილი.
იის კონაში დღეს სიცოცხლეს ვიძლევი ქალი,
ალბათ სისუსტემ საბოლოოდ გაწყვოტა ძარღვი.
დე, დარჩეს ჩემად ახდენილი ოცნების ვალი.
იის ფოთლებში სიხარულის ცრემლებს თუ ჩავღვრი.
იის კონაში გადავცვლიდი ანთებულ თვალებს,
რა გამხელილი სისუსტეა ქალის თხოვნაში,
რარიგ ტკივილით განუვლიათ ცხოვრება ქალებს,
ვისაც სიცოცხლე გაუცვლია იის კონაში.
იის კონაში დღეს ღიმილს და სიყვარულს გავცვლი,
უსურნელო და უყვავილო არაფერს ვგავარ,,
ყველა ოცნებას ამ პატარა კონაში დავცლი
და შენგან ნატვრა ახდენილი იებით წავალ.
იის კონაში გადავცვლიდი ახლა სიცოცხლეს....

/ნანა მეფარიშვილი/

Views: 2 | Added by: shockunia | Date: 20/Aug/2014 | Comments (0)

ეგ, წაბლისფერი დალალები მაბნევენ თითქმის,
გული კი უფრო მომატებულ სიხშირით ფეთქავს,
და ის სიტყვები რაც უშუალოდ თვალებით ითქმის
ჩემს ყურთან ახლოს მიმდებარე ბარაბანს ხეთქავს.

შენი ღიმილიც საიდუმლოს მალავს ბავშვივით,
თანაც ისეთს, რომ მონა ლიზაც ვერ შეედრება,
ტოტებს მოწყდება გაგორდება დაბლა ვაშლივით
ის ვინც ცდილობს და სილამაზით შენ შეგედრება.

ალბათ რამდენი გოგო კიდევ ქვეყნად ვერ ხვდება,
რა ძნელია, რომ გქონდეს სიტყვის მთქმელი თვალები,
მერე თავის მსგავს კიდევ რამდენ გოგოს შეხვდება,
ერთნაირობას დაგვწამებენ შემდეგ ქალები.

მე შენში მომწონს რომ არა ხარ ასეთი გოგო,
ვფიქრობ, რომ ალბათ უბოძია ღმერთს შენთვის ნიჭი,
გინდა სათქმელი, რომ უშვალოდ თვალებით უთხრა,
და დააბნიო ქვეყნად ალბათ რამდენი ბიჭი.

შენ, კვლავაც უხმოდ და უსიტყვოდ მესაუბრები.
ყველა კითხვაზე პასუხს ისევ თვალები მაძლევს.
მანდილოსანო..! ვატყობ ლექსებს მუზად უხდები,
და ეჭვი მაქვს, რომ ეს ლექსები ათას წელს გაძლებს...!

Views: 19 | Added by: shockunia | Date: 31/Mar/2014 | Comments (0)

მთელს სხეულზე შენი სუნი ამდიოდა
მხოლოდ ერთი მოკარებით გადამედო
მთვარე იმ დღეს იმ მწვერვალზე ადიოდა
საიდანაც ვნება უნდა გადამეგდო

მომეხვიეე მახსოვს ერთხელ მომეხვიე
მეგონა რომ უსასრულოდ დარჩებოდი
ნეტავ ბედზე დაწერილი ის ფურცელი მომეხია
სადაც ჩემგან შორს იყავი სადაც ჩემთან არ რჩებოდი...

როცა თქვი რომ წასვლას არჩევ
როცა თქვი რომ სამუდამოდ დამტოვებდი
იმ დღის მერე უშენობას ამ გაყინულ თვალებს
ვაჩვევ
იმ დღის მერე ხალხისაგან სამუდამოდ ვმარტოვდები

თუ ოდესმე მომეცემა შანსი ისევ დაგიბრუნო
თუ ოდესმე როგორც მაშინ ისევ გვერდით მეყოლები
გპირდები რომ არ გაგიშვებ თავი თუნდაც გამიბრუო
შენ ჩემს ახლოს ლანდის სახით ჩემ სხეულზე ეკონები

/ გიგა დათიაშვილი /
Views: 32 | Added by: shockunia | Date: 11/Jul/2013 | Comments (0)

სადაც ყველა სახე მხოლოდ ნიღაბია,
სადაც ამაზრზენი არის ფორიაქი,
სადაც გულწრფელობა უფრო იაფია,
ვიდრე ერთი ჭიქა ყალბი კონიაკი.

სადაც გროვდებიან ჭკუისკოლოფები,
ყველას სხვისი ცუდი სადაც უხარია,
სადაც არწივებად სხედან ოფოფები,
სადაც სხვისი კარგით ყველა მწუხარეა.

სადაც დღე და ღამე ქუჩის ხმაურია,
სადაც მანქანები ქრიან დაფეთებით,
ქარმა ფოთლებივით აურ-დაურია
ცოდვით დაცვენილი სულის ნაფლეთები.


/ნიკა ჩერქეზიშვილი/
Views: 29 | Added by: shockunia | Date: 09/Jul/2013 | Comments (0)

შენ ვეღარაფრით უკვე ვერ მატკენ
და ვეღარაფრით ვერ გამაკვირვებ...
ამ მარტოოობას შენგან ბოძებულს,
ორივე ხელით საჩუქრად ვიღებ!

აღარ მოველი მზერას ვნებიანს,
არც ცხელი კოცნა ამიწვავს ბაგეს,
გადავივიწყებ მკლავებს ძარღვიანს,
გულში ჩავიკრავ უძირო ღამეს!

არას გემდური, რაც არის, არის!
ვიცი, ვერ გასცემ იმას, რაც არ გაქვს -
ზამთარს ვერ მოსთხოვ თაკარა მზეს და
ვერც ზაფხულს მოსთხოვ თოვლის ფიანდაზს...


ო, არ გემდური, პირიქით - გმადლობ!
მადლობას გიხდი სიმარტოვისთვის...
ჩუმი ოხვრისთვის, ჩუმი ცრემლისთვის
და ამ უძილო ბნელი ღამისთვის...

მარტოსულსა და კენტად დამაშვრალს,
სულ სხვა სამყარომ გამიღო კარი!
აღარ დავეძებ ზამთარში იებს,
აღარც გემდური - რაც არის, არის!

/ხათუნა შავგულიძე/
Views: 39 | Added by: shockunia | Date: 18/Jun/2013 | Comments (0)

თუმცა იღბალი იმგვარად მთარსავს,
ბევრჯერ ჩამატყდა ხელში ჭინჭილა,
ნუ გეშინია, არ წავალ არსად,
ვიდრე შენ კაბის ბოლო გიჭირავს.
შენ ჩემს სუყველა იარას შველი,
არა ტკივილი არ გეურჩება
და ვგრძნობ, რომ შენი პატარა ხელით
თვითონ სიცოცხლე მებღაუჭება.
ახლა ამ ზეცას მლოცველის მსგავსად
შევყურებ რწმენით, განა-იჭვითა...
ნუ გეშინია, არ წავალ არსად,
ვიდრე შენ კაბის ბოლო გიჭირავს.
Views: 39 | Added by: shockunia | Date: 02/Jun/2013 | Comments (0)

დედის სათხოვარი
(...შვილებს)

ვიდრე წავალ, შემაგებე შენთან დილას,
დედის ხელი ნამძინარებ თვალებს დაგბანს,
დავწყნარდები, დაგინახავ თუკი მცინარს,
ღამით, ისევ შეგიკეცავ მხრებთან საბანს.

ვიდრე წავალ, გასაუზმებ, მოგხვევ ხელებს,
გარეთ გასულს ჩუმად პირჯვარს გადაგსახავ,
ვიდრე წავალ, კიდევ ერთხელ მომეფერე,
თორემ მერე კარის ზღურბლზე ვეღარ მნახავ.

ვიდრე წავალ,იავნანით დაგაძინებ
და მძინარეს შეგავედრებ ქვეყნის გამჩენს,
ატირებულს უსათუოდ გაგაცინებ,
ეგ ღიმილი ქვეყნად ყველა ტკივილს არჩენს.

ვიდრე წავალ არ გაცივდე, დაგაფარებ,
თორემ გული არ გამყვება დარდის მყოფელს,
ღვთისმშობელის კაბის კალთას აგაფარებ,
ასე მშვიდად გავუყვები იმა სოფელს.

ვიდრე წავალ, დედის ლოცვით გაგითენებ,
სანამ ღმერთი შენს ფერებას კიდევ მაცლის,
თუ ჭრილობას კარგ–შვილობით გამიმრთელებ,
თორემ მერე უჩემობა სულზე გაგცრის.

არ მატკინო, ის სხეული სადაც ოდეს,
ცხრა თვე გედო საიმედო თბილი ბინა,
უფლის მცნება ყოველდღიურ წესად გქონდეს
რადგან ფიქრიც ისმინება ცათა შინა.

როს პატარა, უმწეო და სუსტი იყავ,
ამ ხელებში გაძინე და გაგაცინე,
ახლა ჯერი შენია და მადლი მიყავ,
ამიყვანე და უცრემოდ გამაცილე.

ვიდრე წავალ, ვიდრე მიხმობს მადლიანი,
როცა ვიცი მონატრება გამამწარებს,
ვიდრე გხედავ, არ მამყოფო დარდიანი,
თორემ მერე სინანული გაგაწვალებს.

/ნანა მეფარიშვილი /
Views: 40 | Added by: shockunia | Date: 01/Jun/2013 | Comments (0)

დახუჭე თვალები, ბინდისფერს გაენდე
მიყვარხარ დამენდე...
მიყვარხარ დილამდე, ცამდე და ცის იქით
გიცდი და დაგიცდი,
თითები თითებთან... ტუჩები ტუჩებთან...
სულ შენ და სულ შენთან...
დამალულ თვალებში დამდგარა ღამე და
სათქმელი გამება, ახვეულ თვალებთან
შენს სუნთქვას ვინახავ...
მიყვარხარ!!!
Views: 70 | Added by: shockunia | Date: 12/Feb/2013 | Comments (0)

ქალია...!!!
ქალიაო...და ბრიყვია,თქვენ ასე ფიქრობთ კაცები,
ქალიაო...და თუ წავა,სხვაზე გადაგაქვთ დარდები,
ქალიაო...და ვინ იცის,რამდენჯერააქვს ნაგემი
წახვალთ სხვა ვინმეს მოძებნით,თუ დაგიწუნეს ვარდები.

ქალიაო...და რა მოხდა,ერთხელ თუ კოცნით გავძღები,
მერე მკერდს მაგრად მოგიჩქმეტ,ღაწვზე თოვლივით დავდნები,
ღამეს,სიზმარად გადიქცევ,აი ცოლობას ვერ დაგპირდები...
თუ წახვალ თვალებს მოვიფშვნეტ და მერე მეც ავტირდები.

მერე ქილიკით დაიწყებ,არ მომეწონა წავედი
ქალიაო...და რა მოხდა,მხოლოდ ეგა გაქვთ სათქმელი
ახლა სხვა ვინმეს მოძებნით,რომ გაიქარვოთ დარდები
ღამეს პირობით დაიწყებთ,დილით კი სადღაც გაქრებით.

ქალი ვარდივით ნაზია,მე მებრალებით კაცები
ეკალი ერთხელ თუ გაგკრავთ სამუდამოდ ბრმად დარჩებით,
მერე დაგიდგათ დარდები,და ერთ ადგილას ის ვარდებიც,
ქალის გარეშე ვინა ხართ?როცა თქვენს თავთან დარჩებით.

როცა ცხოვრებას გახედავ,უკან დატოვე სათქმელი,
იმ ქალში,ქალი ეძიე სიცოცხლის წმინდა ნათელი,
იმ ქალში,დედა ეძიე,ცხოვრების სუფთა სანთელი,
მერე მიხვდები,ვინცა ხარ,როცა უმისოდ დარჩები.

ქალი ვარ,ვარდი არა ვარ,მაგრამ მეც მალე დავჭკნები,
იმ სურნელს მაინც დავტოვებ,რომლითაც თქვენ გაბრუვდებით
ქალი სიცოცხლის წამია,თქვენ ამ წამებით დატკბებით
ჩვენ წავალთ,უკან კვლავ მოვალთ,ვარდებად დაგიბრუნდებით!
Views: 56 | Added by: shockunia | Date: 21/Dec/2012 | Comments (0)

მინდა გულში ჩაგილექო,
ფსკერზე,სულ ღრმად ჩაგიტოვო,
მინდა სული დაგიმშვიდო,
ღიმილები დაგათოვო.

მინდა ისე აგამღერო,
რომ ჰანგები ცას სწვდებოდეს,
ისე მინდა გაგაღმერთო...
და,შენს სიზმრებს ვდარაჯობდე.

ისიც მინდა,მხოლოდ ჩემით,

მხოლოდ ჩემით დარდს ებრძოდე,
მიყურებდე გახელებით,
და ამ წყურვილს ვერ სწყდებოდე.

მერე მინდა გზას გაუყვეთ,

ბილიკები გადავთელოთ,
და,გზადაგზა დაკრეფილი,
გვირილები ავამღეროთ.

გიყურებდე,ვერ ვძღებოდე,

შენი სუნთქვის ცეცხლი მწვავდეს,
ისიც მინდა ჩემო ერთო,
საოცნებო ჩემს პრინცს ჰგავდე.

ყველაფერი მინდა,რასაც,

მხოლოდ შენი,შენი ჰქვია,
ამ სიყვარულს და ამ ლტოლვას,
ხვადი ლომის ჟინი მიაქვს...

ალისა ელიაშვილი
Views: 58 | Added by: shockunia | Date: 22/Nov/2012 | Comments (0)

1 2 3 ... 38 39 »
საიტის მენიუ

კატეგორიები
ვიდეო [9]
პროზა [10]

შეფასება
მოგწონთ საიტი?
Total of answers: 506

მეგობრები

შოკუნია © 2007 Website builder - uCoz